НЕДЕЛА НА МЛАДИ

Отворен ден на Клубот на млади при Црвен крст на РСМ – Општинска организација Штип

Во рамки на одбележувањето на Неделата на млади (1–7 октомври 2025 година) под мотото

„Биди промената што сакаш да ја видиш “,

Клубот на млади при Црвен крст на РСМ – Општинска организација Штип организираше Отворен ден посветен на младинскиот дух, хуманоста и волонтерството.

Настанот опфати три катчиња:

Забавно катче – каде учесниците играа едукативна игра „Меморија“ инспирирана од активностите на Црвениот крст.

Дисеминациска сесија – каде посетителите се запознаа со мисијата, принципите и вредностите на нашата организација.

Катче за прва помош – на кое минувачите имаа можност да ги научат основите на срцево-белодробното оживување и практично да ги применат.

Преку овие активности, младите волонтери го промовираа значењето на волонтерството, тимската работа и хуманоста – вредности кои го обединуваат Црвениот крст и младите во нашата заедница.

Ден исполнет со насмевки, нови знаења и хуманост – затоа што младите се движечката сила на промената!